انا وجنسية امى والفسيخ

دايما فى مثل هذا الوقت من العام " شم النسيم " بنسمع اغنية السندريلا الدنيا ربيع....وبكن بعد امتعان وتركيز اكثر فى الاغنية وتمحيص وتفحيص وجدت ان مطلع الاغنية الشهيرة بيقول " الدنيا ربيع ....والجو بديع " ....اما ربيع فهو اكيد النائب الجديد لمرشد جماعة الاخوان المسلمين بعد خيرت الشاطر والجو بديع...والله اعلم سعاد حسنى قالت محمد بديع بس الله يسامح الرقابة وقتها بقى ..قفلى على كل المواضيع قفل قفل قفل على حق الشهداء على تحقيق اهداف الثورة على تحقيق الحياة الكريمة للمواطن المصرى قفلى على مجلس شعب لمركز شباب كفهنا العذب وليس مجلس ثورة ....لذلك انا عن نفسى قررت الون كمية كبيرة من البيــــــــض واكتب عليه نحمل الخير لمصر " بيض بيض يعنى " وخروجا مؤقتا عن جو البيض وشم النسيم فى مصر...ففى الاونة الاخيرة اكتشفت ان ولدتى تجد صعوبة فى اتخاذ القرار داخل المنزل هذه الايام فقررت ان اقوم بثورة سلمية ومحاولة اقناع امى العزيزة بتسليم زمام الامور لنا فى المنزل " الله يرحمك يابا " الا ان اختى الاكبر منى سنا رفضت قطعا هذا وهى الاخت المدللة لامى كجمال مبارك واحمد عز والحزب الوطنى للمخلوع بالظبط اما اخى الذى له ميول اسلامية فقالى حرام عليك يا اخى عاوز تحجر على امك " يا جدعان انا عاوز اريح امى واشوف امور البيت مش اكتر...وافتكرت حاجةكنت نسيها هاااااااااار اسود انا ليا ختى الكبيرة تعيش وتتعايش بولاية فرجينيا فى الولايات المتحدة الامريكيةوكانت امى من الحين والاخر سنويا تقوم بزيارتها ....يا سنة سوخة يا ولاد تكونش امى خدت الجنسية الامريكية من ورايا وانا معرفش وده فى حد ذاته يمنعنى من مسؤلية ادارة شؤن البيت ....وهنروح بيعيد ليه لو امى فعلا معها الجنسية سيكون دليل اقصاءها هى شخصيا من كونها ربة منزل ....كلمت اختى على السكايب وحلفت طلاق تلاتة وباللات والعزة وكل الايمانات ان الحاجة امى لم تحصل على الجنسية بل وانها قدمت على الجرين كارد ولم تستوفى الشروط ....الحمدلله امى مصرية ولا محتاج قرار من القضاء الادارى ولا محتاج انصار يهددوا وينزلوا الشارع....القصد فى نهاية الامر الحاجة امى قررت التخلى عن منصبها كربة منزل وكلفتنى انا واخى لادارة شئون البيت فقمنا على طول بعزل اختى الفلول وكلمنا اختى التانية اللى فى امريكا ....وبالطبع اخويا بميولة الاسلامية شوية كان عاوز يكوش على كل الملفات الخاصة بامور البيت الا انى قلت ليه انت فكرنى ليبرالى او ثورى بتوع اليومين دول ...واوقفنا التفاوض بشأن تسلم سلطة البيت وادارته لحين انتهاء شم النسيم الذى لا يعترف به اخى السلفى اخوانى ...لكنى استمتع فى هذا اليوم بأكل الفسيخ مع شوية رنجة على جنب بالبصل فأنام نوما عميقا لاحلم انى المشير طنطاوى وبحاول اعمل من الفسيخ شربات ...بس مش شربات للشعب ,,,شربات لبقايا النظام البائد وفى الاخر يأكلنا الحلوة احنا لكن ابدا لازم اصحى من النوم واقول للناس فى شم النسيم الفسيخ فسيخ والبيض بيض والشربات دم الشهيد فى يوم فرح مصر ويا خوفى الاقى بيضا مرسوم عليها بوستر الشيخ حازم ابسماعيل ويجعله عامر ويارب الحدق يفهم