قالها سعيد صالح فى مسرحية هالوا شلبى ( انت ابن مين فى مصر ؟؟؟) واكررها من بعده انت ابن مين فى مصر يا عم الشهيد ؟؟؟؟وكمان عاوز تاخد حقك ودمك ما يروحش هدر انت ابن مين فى مصر ؟؟؟؟ انت حايله ابوك موظف على اده مش لاقى يأكلكوا لحمة كل شهر ولا عارف بصرف على دراستكم واخواتك مرضانيين و مش لاقى حق العلاج عشان كده نزلت تعمل ثورة فى مصر .....انت ابن مين فى مصر ؟؟؟ اكيد شاب سيس او شاب عاطل ومش لاقى شغل اصل الفضا وحش وايه يعنى عاوز تتجوز ومش لاقى ولا سنك اقرب على التلاتين .....وبعدين يا عم الشهيد عاوز تاخد حقك من مين ؟؟؟من الرصاصة والخرطوشة اللى دخلت صدرك ....انت ابن مين فى مصر دى امريكانى يا ابنى يعنى نحسبها عشانك طيب والمعونة واللى جابوا ابونا على ابوهم,,,,,عاوز تاخد حقك من السلاح.....ده روسى المانى ياعم استيراد وتوريد حسين باشا سالم بجلالة ادروا....وتقولى معرفش ايه,,انت ابن مين فى مصر؟؟؟؟ وبعدين عاوز تحاكم الباشا ....الباشا يا دا انت فجرت اوى كده .....الباشا الظابط اللى قتلك يا ابنى ده ابوه لواء داخلية من بتوع صفقات المخدرات وتسليم المجرمين فى امن الدولة (سابقا) وامه اكبر راقصة على مستوى السيدة زينب ومصر القديمة وعلى المقيقمين خارجها مراعاة فروق التوقيت وهى اللى اتوسطت له عشان يدخل الشرطة ,,,,هو اينعم كان فاشل فى الثانوية وبالعافية نجح بس فلوس الصفقات المشبوهة بتاعة سيادة اللواء السابق والتنقيط بتاع راقصة السيدة الاولى دخلوه شرطة,,,,,وفى الاخر عاوز تحاكمه ليه انت ابن مين فى مصر؟؟؟؟وامك يا عم الشهيد تطلع ايه ,,,,,ربة بيت جت من الغيط ومكنش بتاعهم ده الريس جمال اداهم الارض دى يعنى غلابة وامك اهلها غلابة مبعرفوش يرحوا الانادى او الكباريه زى ام الباشا الظابط .....اخرهم يعدوا على مركز شباب كفهنا العزب,,,,وايه يعنى تعبت وربت وسهرت واستحملت وجريت عليك وفى الاخر رصاصة فى قلبك..... عاوز تاخد حقك ليه انت ابن مين فى مصر ؟؟؟؟ طيب انت لابس شراب منه فيه زيهم ....ايوه كلهم لابسين شراب منه فيه......وبعدين ثورة ايه اللى استشهد فيها انت كنت من القلة المندسة ولك اجندة وتسببت فى فوضى وانفلاق امنى وزعزة عجلة الانتاج وخلتها مفسيا..... اصل غلتطك انك اعتمد على شباب وناس وشعب وحكومة عاوزة حكومة عشان يجبولك حقك.....انت ابن مين فى مصر ؟؟؟؟ وتساوى ايه عنينك ولا ايدك ولا روحك عشان خاطر مصر ,,,,,انت ابن مين فى مصر ؟؟؟؟ انا بقى اقولهم انت ابن مين فى مصر لانى عارف انت مش هترد خلاص انت مواطن مصرى ابن مصرى ابن مصرى وشهيد فى حضن مصر لجل ضحكة مصر وامل مصر واولاد مصر ونيل مصر وزرع مصر وطين مصر ودين مصر يا ابن مصر وحياة حياتك حقك مش هيروح هدر يا ترى دلوقتى عرفت انت ابن مين فى مصر؟؟؟
ويجعله عامر ويارب الحدق يفهم ولا عنه ما فهم
كويس قوى
ردحذفvery good
ردحذفحلو قوى
ردحذف