مين شاف فيلم 1000 مبروك بتاع أحمد حلمى ؟؟؟؟ الفيلم فكرته جميلة جدا برغم انها مقتبسة من فيلم اجنبى ....القصد الفيلم كان بيحكى عن قصة شاب فى يوم زفافه تيجى عليه الساعة 12 يموت ويصحى مفزوع نفس اليوم بيتكرر لحد الساعة 12 لكن الموتة بتختلف وهو مهما حاول برده لازم يموت ومش عارف هو فى الحقيقة ولا كابوس لحد ما صحى من النوم لقى اختلاف بسيط فى الاحداث اليومية المتكررة لكنه فى الاخر مات.....ما يحدث فى مصر بعد 11 فبرابر بالظبط هو هو اللى حصل لحد ابريل 2012 ....حد يقدر يقولى ايه الفرق بين فض الاعتصام بالقوة فى 9 مارس....و8 ابريل....وفض اعتصام 8 يوليو.....المحاكمات العسكرية للمدنيين وكشوف العذرية....احداث محمود محمود 1 ....احداث مجلس الوزرا....احداث محمد محمود 2....احداث العباسية 1 فى يوليو ....احداث العباسية ابريل 2012 ....اعتصام سلمى...واستفزاز وبلطجة وخرطوش وشهداء وخكومة تطلع تستنكر ومجلس عسكرى يضرب لخمة وتوفيق عكاشة يقولك عيال هبل وواخدين ترمادول....والتليفزيون المصرى يقول اعمال شغب واهالى المنشقة ....وبتوع الثورة علاء ونوارة واسماء محفوظ وبلال فضل يكتبوا ومعهم الدكتور المحترم البرادعى يلتزموا التويتر بالشجب والندب والاستنكار واحيانا الاستحمار ويسيوا الناس يموتوا ووائل عباس يقعد يسب الدين لدول ودول !!!!.....كل مرة ...مفيش جديد على مدار اهم الاحداث فى سنة بالظبط زى فيلم احمد حلمى....وخروجا عن موضوع الرتمية حتى فى اهم الاحداث نشوف الاختلاف والتوافق على الاعتصام الاخير لمعتصمى وزارة الدفاع ....فى الاول قالوا انصار بوسماعيل هما اللى منظمين الاعتصام والمسيرة الى وزارة الدفاع وفى اللى قال انصار ابوسماعيل محرضين من الاخوان ....وفجأة كل الحركات الثورية الليبرالية والاسلامية انضمت للاعتصام ...والموقف كالعادة اصبح معقد...اول ما احتجت لتحليل على ارض الواقع سألت واحد صحبى راح وشاف كل حاجة على الطبيعة ...قالى اللى شفتهم فى محمد محمود هما بتوع مجلس الوزرا هما بتوع كل الاحداث الشيوخ على ليبراليين وحتى الاخوان كالعادة مختفيين ....ولكن المانوشات الكلامية موجودة وكلوا بسبب المادة 28 التى يرى فيها انصار حازم صلاح ابوسماعيل تعنتا وحصانة للتزوير من جانب لجنة انتخابات رئاسية ......هاااااااااار اسود يا جدعان مش المادة دى فى الاعلان الدستورى اللى خليتوا الناس تقول عليه نعم عشان نحافظ على المادة الثانية وندخل الجنة....لاانكر ان نتيجة الاستفتاء كفرتنا كلنا فى عشتنا وخلتنا مش فارقة معنا جنة او نار ....بس اللى الشيوخ بيقولوه ده حاجة غريبة وخطر جدا جدا يا شيخ المادة 28 اية من ايات الاعلان الدستورى اللى خلتوه علينا قرأن ندخل بيه الجنة .....وهو ينفع يعنى نشيل ايه من القرأن حتى لو مش ماشيا على هواناااااااااا مش يبقى حرام ....كده هتخشوا النار والنعمة.....ويجعله عامر ويارب الحدق يفهم
ليست هناك تعليقات:
إرسال تعليق