اظن مش محتاج اقولكم والزمان والتاريخ ...لكن المهم ان اذكر المكان ...المكان هو ميدان التحرير ارض المدينة الفاضلة ايام الثورة المصرية....اليوم التانى من الثورة - الجزء الثانى يوم السبت 9 يوليو رحت الميدان انا واحد اصدقائى وكانت الشمس لا تزال تلهبنا بحرارة البحث عن الديمقراطية والحرية ,,,,دخلنا النهاردة من ناحية قصر النيل ....لقينا العدد لا يتعدى الالفين دا غير الناس المعتصمين الشجعان اللى مرحين شوية من جهد حماية وسهر طول الليل ,,,,المهم قولنا نظبط التاصة الاول بواحد قهوة زيادة بجليب على مقهى كوفى شوب التحرير ....واشترينا جرايد المصرى اليوم واليوم السابع ....لا للتصفح ولكن عشان اللى مش معاه شمسية وكاب يستعمل الجرايد دى ....الجيش قالك اتصرف ...(مش المجلس العسكرى ) الاغانى الوطنية شغالة من المنصات والاحتفالات الكرنفالية الثورة وعملنا انا وصديقى لفة فى الميدان واذا بنا نجد واحد عادى جدا بيخلط حاجة بالميا ومعاه فرشة وبيكتب على الارض (ولعل الارض تتكلم ) - (يا ابنى لقد اضننانى البحث عنك ,,,,فين ترابك يا محمود ....ابنه متغيب من يوم جمعة الغضب ومش لقيه لحد دلوقتى,,,,,واتصورنا مع بعض البسطاء المصريين اللى مش عاوزين غير الشفافية ومعها كيلو لحمة ...ما يخسرش..... وبعدين دخلنا فى الصينية عند المعتصمين البلطجية الفئة المندسة اللى بتاكل فى كنتاكى عاملين احتفالية رائعة من المثقفين والفلاحين والصعايدة والاطفال والشباب وبيغنوا تحت درجة حرارة 40 درجة مئوية ,,,, وبعد الاستمتاع بالفاصل الجامد ده خرجنا انا وصديقى وئام وطلعنا باتجاه طلعت حرب ومن ثم باب اللوق عشن ناكل اى حاجة والسلام ....كشرى لوكس ....علبة مكرونة بالصلصة من غير عدس وصحبى علبة كشرى رز قليل...وقعدنا على قهوة وبعد ما ظبطنا دخلنا الميدان والاعداد فى تزايد والجو بدأ يهدا والشمس بدأت تتكسف مننا (وعقبال اللى فى بالى اما يحس على دمه ) هتفنا لحد اما قبلنا واحد صحبنا وكان معاه اتنين منعرفهمش والحمدلله اننا منعرفهومش اصلهم داخلين الميدان وهما زعلانيين ان حال البلد واقف وشيلله يا حال البلد .....قررنا الرحيل حتى نأخذ شوية راحة من الشمس والهتافات والناس بتاعة عجلة الانتاج ,,,,وده كان المشوار فى اليوم التانى من الجزء التانى للثورة ... المهم وقبل ما اختم عاوز اقول على حاجتين ان الميدان كان خالى من الشوائب اللى هما اصحاب المشاركة فى اليوم الواحد والاكازيون يخلص عشان ميزعلوش بابا المجلس العسكرى اللى عامل معاهم ديل او صفقة يعنى او اى تيار كهربائى (سياسى خارج عن النص ) الحمدلله
الحاجة التانية انا لحد اخر الاسبوع بايت فى الميدان فمش هتشوفى طلعت كتاباتى البهية لمدة كام يوم
وان شاء الله عامر والحدق !!!!!!!!!!!!!!!!!!!!!!!!
الحاجة التانية انا لحد اخر الاسبوع بايت فى الميدان فمش هتشوفى طلعت كتاباتى البهية لمدة كام يوم
وان شاء الله عامر والحدق !!!!!!!!!!!!!!!!!!!!!!!!
ليست هناك تعليقات:
إرسال تعليق