فنجرى بوء

عجيب وغريب الشعب المصرى ده فى عز احنك واصعب الظروف تلقيه رامى كل حاجة ورا ضهره وكمان ينتقد او يسخر بطريقته الجميلة على اعنف الاحداث وبدليل انه بعد صبر الشعب فى ميدان التحرير فى عز البرد والجوع والاتهامات ومحاولات القتل بالرصاص والجمال وبغال النظام السابق والى ان جاءت ساعة التنحى اللى كان فى ناس مستنيها من 30 سنة وغير الفرحة ونسيم الحرية الجميلة الا اننا سيبنا دا كله واهتمينا بالراجل اللى واقف وراء عمر سيلمان اللى انا حاسس بجد ان الراجل ده اصيب بحالة نفسية غير طبيعية بعد حملات السخرية البريئة من الشعب المصرى وحملات صفحات الفضاء الالكترونى والنت والنتيت .....وده غير شعارات لافتات وسخرية احنا اسفين يا مخلوع وبنهزر معاك .....وامشى لقى الدورى هيضيع من الزمالك (هو كده كده ضاع ) وغيرها من النكت المصرية الجميلة ده...حتى اخينا بتاع البنبونى والشيكولاتة احمد شفيق مسلمش من التريقة المصرية الهادفة الخفيفة العالية الجودة فى البلوفر الاسود بتاعه ومرورا بالناس الغلسين اللى انا بعتبرهم دمهم خفيف لانهم عاملوا صفحة على الفيس بوك باسم محبى الرئيس مبارك واحنا اسفين ياريس ....راحت الايام وجت الايام والثورة اتسرقت ....طلع عمنا نجيب وساويرس وبوظ الدنيا اكتر باللى عامله على حسابه الخاص فى تويتر طلع الشباب المصرى الجامد بجروب او صفحة احنا كمان بنعرف نهزر يا ساويرس ده غير حملات المقاطعة بتاعة موبينيل وخلافه......فى ناس بتبص للحاجات دى من الشعب المصرى على اساس انه سخافة او حاجة هايفة انما من وجهة نظرى الموضوع ده يدل على عبقرية الشعب المصرى وتداركه لمجريات الامور حواليه وانه بعيد كل البعد عن الفوضى.......بدليل ان الشعب الواعى قرر انه الثورة لازم ترجعله تانى ونزل الميدان فى كل حتة فى مصر ,,,,,الثورة لمصر وللشعب وليست لاحد ....طلعت حبة شعارات عن المجلس العسكرى تخلى القتيل يقوم من موته وكلها من ابداع المواطن المصرى البسيط .....وعلى غير العادة طلع علينا سيادة اللواء الفنجرى اللى مصر كلها ردت عليه التحية والاعتزاز وفرحنا بيه ....بس للاسف سقط القناع ايها الخلوق فى اللهجة الغير مسؤلة التى خرج بها على الشعب المصرى كما لوكان الشعب المصرى يقف فى طابور الجيش فى الصباح,,,,,بصراحة لم اكن اتوقع نهائيا رد الفعل للشعب المصرى ,,,,فى الميدان كانت اشارات الاصابع خير دليل على رد الفعل لبيان المجلس واللواء العسكرى وفيما يلى بعض من رد فعل الشعب المصرى على الفنجرى :
* انشاء صفحة على الفيس بوك اسمها : احنا مبنتهدتش يا فنجرى 4000 عضو فى ساعة
* تعليق واحد مصرى : اللواء الفنجرى سيعيد البيان مرة اخرى من جديد لانه نسى يسبلنا الدين
* تعليق واحد مصرى : الصباع اللى فى ايد اللواء الفنجرى
* صفحة احنا اسفين يا فنجرى
* تعليق واحد مصرى : سقط القناع وظهر القناع
* الفنجرى يعنى : فنجر = صباع اللواء الفنجرى + جرى ورا مين؟؟؟؟؟؟؟
*اللى ينفجر ينفجر من جيبه (الكاتب عمر طاهر )
* فنجرى بوء (احمد كامل الشيمى )
ويجعله فنجرى وهو لازم يفهم