شحاته ابو كف

فى بداية الامر كونى كمشجع اهلوى احب اوضح ان التدوينة دى مش عشان السخرية او الشماتة فى حد او الفريق المنافس التقليدى لكن دى رسالة احب اوصلها للحدق اللى يا رب يفهم ...........قبل الثورة كان جموع الزملكاوية المثقفين والغير مثقفين راسهم والف سيف ان الاهلى قاهر الابطال ومحتكر البطولات بيتساعد من الحكام عشان هو حزب وطنى وعشان الرئيس المخلوع وابنه اهلوى وكمان امن الدولة بتساعد ان الاهلى يكسب عشان تلهى الاغلبية من جماهير مصر اللى بيشجعو النادى الاهلى عن اللى بيحصل فى البلد وان زى ان الحزب الوطنى هو اللى بيفوز بالاغليبية كل سنة واحمد عز هو المحتكر الوحيد وان جمال مبارك هيمسك الحكم بعد ابوه (الكلام ده كله قبل الثورة ).......ماشى .....الدور الاول كان الزمالك بقيادة عدو الثورة حسام حسن فى المركز الاول ولحد ما قامت الثورة الزمالك ظل فى المركز الاول .......وانا شخصيا كنت هصدق ان الزمالك كان مضطهد من الحزب الوطنى (اصلهم اخوان تقريبا او الشيخ حسن البنا رحمه الله كان زملكاوى ) قامت الثورة مشى حسنى مبارك ومشى الحزب الوطنى واتفككت امن الدولة والفساد وحدة وحدوة بيتضاءل .......طيب والزمالك (سبحان الله الذى يغير ولا يتغير ) ها هتخدوا الدورى يا جدعان ولا لاء البطولات على البحرى .....ده حتى بطولة افريقيا اللى الاهلى كان بيخدها حلفوا ان عيسى حياتو معه كارنيه الحزب الوطنى واخطاء الحكام وظلم الحكام .........فى دورى ابطال اوروبا تشيلسى وبرشلونة فى قبل نهائى البطولة على ملعب تشيلسى وضربيتين جزاء وهدف ملغى وكورتين مش اوف صايد والماتش خلص ودروجبا وبلاك اتنفرفزوا شوية وخلاص وخلصت الحكاية ولا تطلعوا حلفوا مية يمين ان الحكم امن دولة اسبانى انما بصوا لاخطائهم الفنية والبدنية .............نرجع لموضوعنا اللى هو الزمالك لحد قبل كام اسبوع الزمالك فضل الاول وقلنا الحمد لله التغيير قادم حتى فى الكورة ...........طارق يحى حلف طلاق تلاتة ان الزمالك مايعديش الماتش واتضح الماتش اللى بعده ان فاروق جعفر مؤمن ان الشعب (الاهلى) و الجيش ايد واحدة ووقف قطار الزمالك مرة اخرى بتاعوا وكمل القصة عم طه بصرى فى بور سعيد وخلى من خط ضهر الزمالك منطقة حرة للمهاجمين بتوع المصرى ........طيب ايه ....قالك لاء سمير زاهر فاسد ويتبع النظام السابق ولسه الثورة محققتش باقى اهدافها يا زملكاوية حجة البليد مسح التختة وانا متفق معاهم ان الاتحاد فاسد من ساسه الى راسه لكن ادارة الزمالك متعلمتش من اللى حصل للمعلم حسن شحاته فان افة عداء الثورة والى الزملكاوية الوطنيين ايه رايكم فى مدح التوأم فى المخلوع ووجودهم فى ميدان مصطفى محمود .......عشرة دولار جائزة اجابة السؤال متبرع بها لنادى الزمالك........اذن الزمالك كاخوان المسلمين عنده امكانيات يكسب ود الناس وانتخابات مجلس الشعب والمجالس النقابي والمحلية ويجى فى الاخر يقولك الحزب الوطنى معرفش ايه ويبصوا لاخطاء الاخرين دون النظر لاخطاءهم فيفضلوا فى المركز التانى على طول وبفارق كبير عن الحزب الوطنى.....نهاية الكلام للزملكاوية اللى فعلا نفسهم بشفوا بطولات من غير حجج ولا توطؤ الحزب الوطنى اللى معدش موجود اصلا ....فىحل من الاتنين:
* يعملوا ثورة تصحيح وتطيهر منهم فيهم ويدرسوا الاخطاء كويس فى جميع الاتجاهات وبعدين لازم يخدوا موقف صريح ومحدد من الاتحاد المصرى لكرة القدم زى الدراويش وليس موقف العويل والبكاء على اللبن المسكوب
८ الحل التانى لو فضلوا كده يستعينوا بشحاته ابو كف......يمكن ويجعله عامر ويارب الحدق يفهم