فى مشهد خارجى داخلى لقيت مغنواتى على ربابة بيغنى وبينشد على القهوة اللى حيدانا فى البلد قلت اكيد موال عن السيرة الهلالية وعنتر وعبلة موال بلدى اصيل حاجة زى كده ...لقيت واحد ماسك لاب توب بيقول انا تبع عم مجاهد الحزنان وبعمل ريتويت وشير لاخر اخباره ....مغنى ربابة وعنده اكونت على تويتر والفيس بوك ...هى جت عليه....القصد قلت له طيب عم الحزنان هيغنى ايه النهاردة...قالى السيرة الانتخابية !!!!!...بدأ وهو حاضن الربابة والناس بتتلم وبتسمع.......أسمع معايا ومتقولش كفاية ...اصل الحكاية والقصة والروايا فى ناس غلابة بين انياب اسد وكلاب وديابة.....لجل يضحك السلطان تنتهك حرمة الانسان وده اصلا اذا كان فيه انسان .....اصل الحكاية والقصة والروايا ناس بتبات فى القبر وناس عشاها قهر ...فى يوم معلوم قام الولد من بطن أمه وقهر القهر فى ميدانه ...ملوكه بقوا خدامه لو ان نقطة دم عطرت البلاد من المدينة والقرية والنجع والبندر بنسيم الحرية ....وفى عش الدبابير اجتمعت الخفافيش وطيور الضلمة قالت فى يوم وليلة نحمى الولد من ميدانه وبطن امه...ويا خوف ادهم من بدران ....جه الحيوان ابن الكلب ماسك بزمام الامور على الشعب الغلبان يرمى السبحة لجل يوطى الشيخ التعبان يجبها ويغمسها من الارض وبلا كرامة وتضيع الاحلام....طلع على المنبر بأسم الله ومن أجل مصلحة العباد كونوا كالكلاب واسمعوا كلام الشيخ الخاين الكداب وينقلب الحال من حرية وكرامة الى احتلال وكله بسبب الشيخ الكداب وابن الكلاب....قالك لسه فى قهر وظالم بيعافر لجل يقتل الظلم وكله بسبب الولد اللى طلع من بطن امه ونزل ميدانه....والخلق صدق ان الولد بقى خسيس وباع البلد بالرخيص وميعرفش ان عتريس رجع فى شكل بيادة .......يا سادة يا كرام وهيحلى الكلام بس صلوا على نبى الله محمد بن عبدالله ...عليه افضل الصلاة والسلام......طلع الحيوان ابن الكلب على الخلايق بأنتخابات فى البلاد للى موافق وغير موافق...عرا الشريفة العفيفة ......وقتل الولد ....وسفك الدم فى وسط الغم ...طيب وكيف الحال جرب وقل "الله" في الليل البهيم..
قلها إذا صارت دموعك كالحميم..
ثق أن ربك رب هذا الكون رحمن رحيم..
جرب وقلها ثم خبرني بما صنع الكريم.....اتفتح المزاد على بيع الميدان ...جه اخوانا بحصانه فارس همام انا اللى وقفت قدام الغضنفر المغتال وقالى قف مكانك وانا ما اتهز لى وجدان ...كنت يا ياما كنت شيخ كداب وابن كلاب لكن ربنا عفانى ودى شروط المزاد...مين يزود يا سادة لبيع الميدان والشريفة العفيفة ودم الولد الغلبان ....قالك نسر فى سماه ....شارب من لبن ابوه فى غباه ...كرامة وعنجهية ثم ونكسة ووكسة وخيباتاه ....وادى اخينا ابو بترينة يعرض بثمن قليل كتاب الله وجنبه سيف ويقولك ده سيف الجهاد وهو طول عمره بايع الجهاد ما هو الشيخ الكداب اللى عاص ايديه فىدم الولد وسلمه للحيوان ابن الكلاب ......اصل الحكاية والروايا دخل المزاد اغا قصر السلطان الحرامى المتهان وقالك ان اولى بالميدان انا طيار الحمام فى عشه وقاتل للسلام فى غشه وشارب للدم وممكن ابيعه واغشه.....وادى ابن البلد ...كما لو كان ولد طلع من بطن امه وبدون سند...لكن يا مسكين هتروح فين يا صعلوك خليك مع الشرفا ولا تنضم لعصابة المماليك...وادى مملوك صاحبة الكاس وواحد خناس يبعلوا الجارية فى وطن محتاس...طيب اسألوا غزة وبغداد ها مين هيبتدى المزاد .....ربك كريم ينجى الميدان ويرجع الحق لصحابه ويهدى الشيخ الكداب ويرجعه ندمان ....اصل العزيزة هتفضل عزيزة حتى لو باعها الحيوان ابن الكلاب ومعاه كل جبان....خلصت سيرتنا الانتخابية وادى عبرة لكل انسان ده لو كان فيه انسان.....ويجعله عامر ويارب الحدق يفهم
ليست هناك تعليقات:
إرسال تعليق