الراجل اللى واقف ورا عمر سليمان

ان كنت نسيت اللى جرا هات الدفاتر ........بهذه الايدلوجية رفضنا تنازلا من النظام بأن يكون عمر سليمان نائب للمخلوع وكان الغبا وبا ومنتشر فى النظام السابق واروقة القصر الذى كان يمشى بمبدأ شالوا الدو حطوا شاهين ...طيب ماذا فعلنا برفض عمر سليمان نأئبا ...بعد خطاب التنحى والذى القاه الاخير وانا لو من حملته الانتخابية اعتبره الانجاز الوحيد له ...تركنا عمر سليمان وركزنا مع الراجل اللى وراه بكل ما اوتينا من قوة ساخرة ودعابة وفكاهة المصريين ولاد النكتة ...شكله كده عرة راسه على الثوار ودعا عليهم لحد ربنا ما رزقنا بعقلية توفيق عكاشه والاخت الفاضلة الفاحشة حياة الجيرجيرى ...القصد ولما طل علينا عمر سليمان هذه المرة بقرار بناء على النداء الشعب " اللى كان بيقرأ أدهم صبرى وبيحب رأفت الهجان " ....وخروجا عن الراجل اللى واقف ورا عمر سليمان وقت خطاب التنحى...من الراجل اللى واقف ورا عمر سليمان فى قرار ترشحه ومن ثم وضعه فى وضعية لا مؤاخذه الريس وحامى الحما ...هل الراجل ده عم طنطاوى....مظنش طيب هل الراجل ده فعلا توفيق عكاشة يبقى هاااااااااااااار اسود يا جدعان....هل الراجل ده احد مستشارى الادارة الامريكية ....هل الراجل ده هو نتين يا هو من كتر عدم الحموم فى تل ابيب؟؟؟؟ ومحدش يقنعنى ويقولى لا ده سى عمر نزل عندا فى الاخوان المسلمين والشاطر ومشاطرش....لان اقطع دراعى ان عمر سليمان ذات نفسه عامل كارنية " مركز شباب نادى الحبانية " قصدى الحرية العدالة ...والاغرب قد يكون الراجل اللى واقف ورا عمر سليمان هو المخلوع....على العموم كل الحسابات والتوقعات والتكهنات وحتى السخرية لهذا الموضوع واصبحت ايضا المبادرات والنزول الى الشارع مطروح مرة اخرى بل وحتمى فى حال اعلن عمر سليمان عن فوزه فى انتخابات رئاسة مصر " قال ايه بعد ثورة " يا سنة طين يا ولاد" والمهم ان عمر سليمان وقتها يجيب اللى الراجل اللى واقف وراه وقت خطاب التنحى اصل وحشنا السخرية عليه....ارجوكم لا تنشغلوا فى السخرية على الراجل اللى واقف ورا عمر سليمان ده ولكن دوروا على اللى واقف وراه الاصلى فى قراره ده وانزلوا الشارع وعرفوا الناس ان فى فرق بين جمعة الشوال وعمر سليمان وان الدموع الوقحة هو هذا الرجل ذاته....وكلموا عم فاروق نبيل بيطل يكتب قصص عن المخابرات حتى لا يقوم سائق التاكسى بوجع دماغى على اساس انها من بطولات سى عمر وان مش هو عز الدين ...لازم الناس تعرف انه هو ابو جودا ذات نفسه وبلاش تقرنوا الثورة وكلمة فلول بالمدح فى سى عمر ....الصميم والحجة بالبينة والبساطة هى الاهم عند الشعب المصرى البسيط والا ستنقلب سخريتكم على ترشح عمر سليمان وفوزه الى حقيقة ليقرأ الجيل القادم روايات مصرية اسرائلية للجيب بعنوان عمر سليمان والمتخوزقون...لحد ما يبان من الراجل اللى واقف ورا عمر سليمان ويجعله عامر ويارب الحدق يفهم