شيــــــــــــر وريتــــــــــويت

بما ان المؤمن لا يلدغ من جحر مرتين فأنى اخاف ان نكون نحن معشر شباب الثورة من الغير مؤمنين !!!!!فى البداية وبعد قرار التنحى المتنحى المخلوع وقال ايه جه المدلس العسكرى وحمى الثورة من الحمى القلاعية والتسلخات وابتدا مشوار الالف ميل من العك السياسى والتخبط واللغط والتخوين واعادة بناء النظام السابق من جديد اووووم ايه دورنا كشباب ثورة وللاسف انحصر فى اننا ننزل الميدان يوم الجمعة ونخرج من الميدان اما مقبوض علينا او مسحولين او متحكمين عسكريا او مكشوف على عذريتنا دا غير التشويه بالتامر والجاسوسية والذى منه ....القصد طيب نعمل ايه ؟؟؟؟ نعمل ايفنت على الفيس بوك للجمعة اللى بعدها ....وجمعة ورا جمعة ورا جمعة وعم الراجل ابودقن عمال يخلص صفقاته من هنا ل هناك وعشان هو راجل طيب وبدقن وبتاع ربنا البسطاء سمعوا كلاموا وقالوا نعم فى استفتاء الاستمرار والاستقرار واحنا نعمل ايفنت كل يوم جمعة ورا جمعة والتشويه مستمر وللاسف لم نستطع ان نوازن بين قوتنا الاحتجاجية ولعب سياسة وتواجدنا فى الشارع مع البسطاء زى الراجل ابودقن الا من رحم ربى من الشباب الصح اللى طلع من الميدان كان بيعمل ايفنت وبرده بينزل الشارع للناس وبيلعب سياسة وربنا كلل مجهودهم بوجودهم وسط الراجل ابودقن فى مجلس الشعب وفضلنا ننفخ فى اربا مخرومة انتخابات مجلس الشعب جت ورغم انه مشكوك فى شرعيته واستحوذ عليه الشيخ ابوذبيبة وفيه واستمر المجلس العسكرى فى سياسته الهلامية وقال ايه هنسلم السلطة طيب واحنا فين اما مشغولين بتصحيح صورتنا من التشويه او نعمل نكتة على وصورة على الفيس بوك واخرنا كشباب ثورة اما شير على الفيس واما تويتر والراجل ابودقن وبتوع الفلول والمواطنين الشرخااااء او ما يطلق عليهم الشرفاء من ابناء البط والوز والمخلوع صوتهم على وبقى مسموع اصل هما ملهمش فى الفيس والنت والريتويت ....اى حاجة تحصل غلط من اى حد نتكلم مع بعضنا بس على شير والريتويت دا حتى النخبة من السياسيين اخرهم دلوقتى شير وريتويت على الفيس بوك هل انتقلنا من مرحلة الايفنت الى مرحلة شير وريتويت ....طيب والحل ؟؟؟فى الاخوان والسلفيين والعسكر والجهل والفساد والفلول والسياسيات الغلط واحكام البراءات للقتلة والدستور اللى هيتفبرك ...دا غير المتحولين والمفبركين والاعلام الفاسد هل الشير والرتويت هو الحل ام اننا نوصل للناس ونعرفهم الشير والريتويت بس ؟؟؟؟ الاجابة عند شباب الثورة ويجعله عامر ويارب الحدق يفهم