التحرير به سم قاتل

الى الثوار فى جميع انحاء مصر لاتذهبوا الى ميدان التحرير ....التحرير به سم قاتل....دى كانت نصحتى لكل الحبايب فى ليلة جمعة خلى الشمل متلم ....اى شمل مش عارف وكنت حاطط ايدى على قلبى من اى احداث تحصل ....واحداث العباسية ليست ببعيدة....القصد اول هتاف على القنوات الاخبارية اصطبحت بيها قبل القهوة بتاعتى (اسلامية اسلامية رغم انف الليبرالية ) واراهن ان اصحاب الهتافات من المواطنين السلفيين منهم والاخوانيين ميعرفوش يعنى ايه ليبرالية ......حد ضد الموضوع ده يا اخونا حد يقدر يقول ان اللحية والالحاء وتقصير الجلباب عيب هل انت ضد تطبيق شرع الله....الشيخ الشعراوى رحمة الله عليه له مقولة مشهورة جدا ....قبل اما تدخلوا الكهربا والميا القرى ادخلوا عقولهم علم السماء...وكان كلام واحد عالم دينى جليل زى الشيخ الشعراوى واضح....طيب ياعم يا ابو جلبية اسكتلندى ودقن على ما تفرج هل عندك من العلم عن الدين الاسلامى لتدخله لقلوب وعقول الناس الاول قبل ان تنادى بتطبيق شرع الله ....اولا وليس اخير ....الاخوان المسلمين عندهم اسلام والسلف عندهم اسلام والجهاد والتفكير عندهم اسلام ....اى اسلام هنطبق ....وبعدين اسلامك يتماشى مع الشيخ اللى بتسمعله الدروس فى الزاوية ولا مع الشيخ اللى بتسمعله فى الاوضة ولا الشيخ اللى بتسمعله شرايط كاسيت فى التوك توك ....فاكر موقفك يا ابودقن قبل الثورة عندما اتهمتنا اننا بنعمل فتنة واثميين والخروج على الحاكم حتى لو ظالم لا يجوز ....واما مشى اللى مشى وسقط اللى سقط ....كانت الحمدلله تعلو حنجرتكم وصدروكم وان الله وحده اسقط النظام ونعم بالله بس انت يا عم الشيخ كنت فين اوعى تقولى فى الجامع بتدعى للثوار احسن تتحسب عليك كدبة .....انت كنت واقف بتعيط على اختك كاميليا وحالف طلاق تلاتة تحرق كنايس امبابة عشان اختك عبير العاهرة....واوعى تقولى من المحصنات لانك متعرفش معنى الكلمة اصلا .....زيك زى الشيخ الجليل اللى طلع على المنبر وقال اننا انتصرنا فى معركة الصندوق او غزوة الصندوق واللى مش عجبه يروح يسافر امريكا واستراليا واما اتزنق قال اعتبروها مزحة ....لمعلوماتك يا ايها الشيخ المحترم .....الرسول عليه الصلاة والسلام كان يمزح ولا يقول الا حقا.... وفى الاخر وكان بسببك خليت اللى يسوى واللى ما يسواش يتريق علينا ويعمل لينا ميكى ماوس معادلة صعبة عليك اصل اسلامك مودرن......القصد وللتوضيح ان اردت ان تطبق شرع الله فعرف الناس ما هو شرع الله على اساس الدين المعاملة ...وانا مش هافتى وبعدين يا اخ الشيخ السلفى مش كانت السياسة من المحرمات يعنى حزب سياسى اسمه النور ...... وبعدين ليه سلمت دقنك لبتوع الله اكبر ولله الحمد......منهم اللى كذب على الهوا وهو صبحى بارز فى جماعة صالح المسلمين ومنى الشاذلى تقولك واسألوا الحاج محمد حبيب عن سبب تحويله الى ابليس وطرده من فردوس النفاق المسلمون .....على فكرة ايها السلفى انت مجرد سنجة فى ايد اخوانى بيعرض بلطجته الدينية للجيش ويقولوا سلمنى نفسك .....ايها السلفى بالحسنى علم الناس القيم والاخلاق ثم تبيق القيم والاخلاق لتكون حدود الله ومتعملش زى دكهما اللى بيخشوا على الناس بكيس زيت وسكر ورز عشان يشترى بأيات الله ثمنا قليلا....وخلى الاخ يقولك الخازوق كان بيجيلوا منين فى الخمسينات من المؤسسة العسكرية......لمعلوماتك ايها السلفى لعلك تتعظ ...... البشير الرئيس السودانى هو العضو البارز لجماعة الاخوان المسلمين الدولية والحمدلله السودان اتقسمت.....الجناح العسكرى للاخوان فى العالم العربى وهم حركة حماس ....ما فعلوه بأهل غزة وشق الصف العربى الفلسطينى ....والسلفية الجهادية فى الصومال حدث ولا حرج عن الصومال...... والدعوة السلفية للمغرب العربى .....تمزيق الجزائر...كل ده ليه عشان قاعدوا يقولوا اسلامية اسلامية من غير ما يكونوا يعرفوا يعنى ايه اسلامية وارهنك انك متعرفش مين المشير اللى كنت تهتف بحياته امبارح ......بس اما المشير يضربك فى مقتل هتعرف وتحلق دقنك وتروح كباريهات شارع الهرم......اما انا منزلتش الميدان فى هذا اليوم لانى مش مربى دقنى ولا عندى زبيبة...ولا بعرف انعر او اجعر ولا احب اكون كوبرى عشان غيرى يوصل لمصلحته.....وعندى مبدا ولا انافق وبعدين التحرير به سم قاتل
يجعله عامر ويارب ابو دقن يفهم