تاكسى

فى عز الحر يوم الجمعة وقبل اتجاهى الى ميدان التحرير قررت انى اخلص شوية مشاوير وهى اللى كانت للاسف المانع لوصولى الى الميدان ذلك اليوم ....حصار مشوارى كان بين مصر الجديدة والمهندسين ( انا لسه مجبتش العربية ) كان الحل الوحيد انى اضرب المشوار من شرق القاهرة لغربها ( من غير بوصلة ) انى اخد تاكسى و مش اى تاكسى ( التاكسى بتاع القاهروى الجديد ) ومحدش يسألنى اشمعنى لان اشمعنى فى السبب انى بحب اوفر الفلوس اللى معايا عارفين الحالة طبعا وظروف البلد وعجلة الانتاج الدايرة اليومن دول والتاكسى ده فى عداد بيحسب المشوار بالقرش غير انه مكيف (الله يرحم ) القصد انى ركبت التاكسى من ميدان مصطفى محمود بالمهندسين واول ما دخلت التاكسى لقيت سواق التاكسى بسالنى على فين يا برنس ..... قلت له ميدان روكسى!!!!!! الكثير من علامات التعجب والاستفهام ظهرت فى عين سواق التاكسى الفضولى وعشان يجاوب على تساؤلاته كان لازم يرغى وما ادراك اما سواق تاكسى يرغىى ى عز الحر المكيف .....بدأ بحواره فى جس النبض ......ايه رأيك يا بيه فى اللى بيحصل اليومين دول انا شايف ان الجماعة بتوع التحرير مزودنها شوية .....انا سكت ,,, راح بسرعة غير الكلام وقالى بس برده عندهم حق مفيش حاجة واضحة والدنيا سودة والحرامى الكبير اللى لسه متهنى فى شرم الشيخ....واحنا هنا بنكح تراب ....برده مردتش عليه....الراجل احتار معايا وصعب عليا فقررت بكل برود تكييف التاكسى اسأله ....زانت ايه رأيك يا اسطى ؟؟؟؟ راح قالى بكل فرح انى رديت عليه ,,,,, اصل الشهادة لله يا بيه انت ركبت من عند ميدان مصطفى كامل وقولتلى عاوز اروح روكسى !!!!!! حالة الاستعجاب والاستغراب جت عليا انا اكتر منه ؟؟؟ايه يعنى دى جريمة ؟؟؟؟؟ قالى لالالالالالا يا برنس بس الجماعة بتوع احنا اسفين يا ريس عاملين مظاهرة بس بوحاجة جديدة المرة دى فى ميدان روكسى ......عاملين مليونية حماية مصر تأييدا للمجلس العسكرى !!!!!!!!!!!1 انا مكنتش مصدق طب وليه وايه علاقة المجلس العسكرى بمصطفى محمود وميدان روكسى ,,,,,,طيب وانا هتعب نفسى ليه منا رايح هناك كده كده ....شكرت سواق التاكسى على الافادة والشرح من مواطن مصرى بسيط ولا اجدع مراسل لقنوات الاخبار العاجلة او محلل سياسى او محاور ,,,,,,وصلت بالتاكسى ميدان روكسى واول اما شوفت المنظر نسيت انا جاى روكسى ليه دا حتى كنت هنسى احاسب سواق التاكسى من اللى شوفته !!!!!!! مايقرب من 100 فرد وشمسية شاطئ العصافرة المجانى ومنصة لا بأس بها وسماعات دى جى ابو جمال وناس بتتكلم فى انها بتأيد المجلس العسكرى ( برحتهم هما احرار) وبيطالبوا البلطجية اللى فى ميدان التحرير انهم يفتحوا مجمع التحرير !!!!!! و عصابة قناة السويس انهم ميعطلوش قناة السويس تجنبا لهجوم من العدوان الثلاثى على مصر !!!!!!!!!!!!!!!!!!!!!!!!!!!!!!!!!!!!!! لقيت واحد ماشى جنبى معرفوش بيضرب كف على كف وبيقول لا حول ولا قوة الا بالله مجانين دول ولا ايه ؟؟؟؟والله ده كان حال لسانى برده ولقيت الفنان اسمه ايه ابو بنطلون نازل على الاخر والبوكسر عنده شئ خارجى مش داخلى (ده غير اللى اضرب فى الميدان ايام الثورة ) وبعلو الصوت بيغنى للمجلس العسكرى والناس اللى وقفة بتصقف واراهن ان نصهم ميعرفش مين ده ولا هما اصلا واقفين ليه ....وفى بالى قلت يا رب احنا نخلص من بتوع احنا اسفين ياريس ل بتوع احنا معاك يا مشير ....وبدون تردد ....... تاكسى ,,,,ميدان التحرير يا اسطى؟؟؟؟

وقبل ما اختم ...هل سيتخذ المجلس العسكرى هذا التاييد من هذا لنوع وسام على صدره؟؟؟؟؟

ويجعله عامر ويارب حد من المجلس يجاوبنى عشان الحدق يفهم