الناى الحزين حدوتة تنفع المثقفين الكبار منهم والاطفال سمعتها من اكثر من العشر سنوات وهى ليست من تاليفى (انا اخرى حلمنتيشى ) مؤلفة الحدوتة استاذة جامعية شابة بكلية التربية جامعة المنصورة (الدكتورة ريهام مصطفى عنان ) والله يعلم ما قلبى لها من احترام وحب وتقدير ....الخ ......المهم قصة الناى الحزين دى يا ولاد على حسب ما اذكر منها ,,,,كان ياما كان فى سالف العصر والاوان كان فى قرية جميلة وصغيرة واهلها طيبين بس القرية دى كان عندها مشكلة ان فيها مرض خطير اهلها كله مصابين وهو حاجة كده تشبه الالتهاب الرؤى او السعال واحيانا المرض ده يؤدى الى الموت (اصل وزير الصحة عندهم كان عنده مستشفى خاصة والعلاج فيها كان بالشئ الفلانى او الوحدة الصحية اللى عندهم مفيهاش الا دكتور البهايم ) ....وكان الملاحظ برده انه الحيوانات والزرع والورد والنبات ....طيب ايه الحكاية او السبب ايه معندهمش تلوث(لامصانع اسمنت ولا مصانع كيماويات ولا مخلفات مصانع بتترمى فى الميه ولا وزير بيئة حتى ) المهم عرفنا ان المشكلة فى الشمس ...وحش كبير يقال انه تنين او دصنانور كبير خرج من النهر واكل الشمس فى بطنة حرم البلد دى من ضوء الشمس (بالبلدى النهار اللى مالوش عنين) ومحدش قادر لا كبير ولا صغير قادر انه يرجع الشمس كل اللى يحاول يتاكل حتتك بتتك,,,,,وكان فيه يوم من الايام ولد جميل فى القرية كل يوم بيقعد تحت الجميزة يعزف لحن الوحدة والظلم والقهر على الناى الحزين بتاعه وكان كل اللى يسمع اللحن وبكاء الناى يبكى لدرجة الشجن والانهيار....وكانت من هنا الفكرة او مش فاكر ايه اللى حصل باظبط خلتهم يقرروا ان صاحب الناى الحزين يقعد على الشط ويعزف احلى واحزن الالحان على الاطلاق وقد كان .....بدأ الناى الحزين فى اللحن وسط البكاء والصبر وبدأ النهر فى الاهتزاز والفوران واذا فى ذعر من الناس يخرج الوحش ليرى ماذا يحدث ومن اين تأتى الضوضاء؟؟؟؟ انها من الناى الحزين الذى لم يهتز او يتردد فى انه يكمل لحنه ....وعلى غير العادة بدأ الوحش فى بكاء شديد ولحن الحزين يزداد فى حزنه والله وحده يعرف سبب حزنه (وممكن مؤلفة القصة الاصلية ) ...لحد ما فتح بؤه وعلى غير غفلة دخل الشجعان من اهل القرية وحرروا الشمس من بطن الوحش وقتلوا كمان الوحش الكبير ....من حزن الناى اتحررت الشمس ورجعت الحياة تانى للناس والقرية والزع والورد والنبات وحدوتة حدوتة خلصت الحدوتة حلوة ولا......................
وعشان الحدق يفهم اليكم مرادفات الحدوتة اللى انا اقصدها غير المؤلفة الاصلية :
*القرية واهلها (مصر )
*الشمس ( الحرية والعدالة الاجتماعية والديمقراطية و الكرامة والشفافية )
*صاحب الناى الحزين ( ثوار مصر )
*الناى الحزين (الثورة )
* الوحش (حامى الحما واللى على راسه بطحة )
*النهر (النيل )
ويجعله عااااااااااااااااااااااااامر واكيد المجلس العسكرى فهم
الاعتذار واجب لصاحبة الرواية اذا حدث لها تشويه متعمد
تسلم يا احمد ربنا يحميك وانت قصتك ومقصدها اجمل وهي فعلا قصه النايي الحزين قصه شعب كان نفسه يشوف النور وهيشوفه يوم ما يعرف يخلص الشمس من اسرها بحييك ومش عارفه ارد اقولك ايه وبليز اسم كلمه تشويه سميه تجميل لانه فعلا خلاها احلي
ردحذفانت احلي غصن في الدنيا يا غصن الريحان ربنا يحميك ويوفقك لكل ما فيه الخير يارب
ردحذف