شعب الدهاشنة كان عندهم الخوف كله وليس شئ من الخوف من عتريس واعوانه مع ان هما الاكثر عددا من عصابة عتريس ....لكن شعب الدهاشنة فضل محلك سر ,,,محصول يتسرق يفضل محلك سر....ايتاوا,,,,يفضل محلك سر ......جاموسة تتسرق,,,,يفضل محلك سر ,,,,,نقطة بالعافية فى افراح وموالد وطهور اتباعة وشعب الدهاشنة يفضل محلك سر,,,,,الفقر زاد والمحصول السنة دى مش هيعيش ليه يا ناس ليه يا خلق اصل اما الناس من شعب الدهاشنة كحت غلط فى وش عتريس واتباعه قفل عليهم الميه اللى بتروى الزرعة وتخليها تصلب طولها,,,,ها وبعدين برده محلك سر....عجيب اوى شعب الدهاشنة ده..... ده قوت عيالكم يا ناس.....ولا حياة لمن تنادى ,,الدهاشنة بقوا ظل يا ولداه راحت الرجالة تنوح ولا كيف الحريم على الزرعة والعطش ...ومش السبب عتريس وجبرواته لا لالالالا ده من تهاون الدهاشنة كلهم ,,,عاملوا ايه غير انهم قاعدين كيف السجر الميت وايدهم على خدهم فى الاض اللى تبكى استغاثة وعطش والناس ياولداه محلك سر ....ومفيش فايدة ان عتريس واللى حواليه قلبهم يحن ,,,عتريس نسى انه كان واحد من الدهاشنة ...نسى انه كان بيفرح معاهم ويحزن معاهم ...ده حتى نسى الحصان الحلوة ,,,وجدتى بتقولى كل شوية الزن على الودان امر من السحر واللى حواليه هما السحر الاسود نفسه ,,,المهم ان المناوبة بتاعة الرى يا بلد تلات ايام زرعكم واكلكم وشربكم وحياتكم ....برده محلك سر ...اه منكم يا دهاشنة ...طيب نقولكم الزرع جف والضلع جف ومصر ......قصدى والارض بتقول انجدوووووووووووووووووونى ...جف الشجر ومات القمر والارض ولا مصر مش فارقة بتقول انجدوووووووووووونى لحد ما جت الشابة الاصيلة بنت الارض اللى سمعت نداء الاستغاثة ,,,اينعم هى مواطنة من الدهاشنة لكن محبتش تبقى محلك سر ,,,,البنت من الدهاشنة واسمها فؤادة فى عينها نار وجنة وعيند وشدة وهوادة....مسكت الهويس والكل متسغرب الرجالة والستات تطلع مين فؤادة عشان تقف فى وش رصاص وجبروت عتريس واعوانه ....بدأت تلف الهويس ....والناس لسه مش مصدقة ستات ورجالة شعب الدهاشنة وفؤادة بتفتح الهويس والميه بدأت تجرى وتروى ابتسامة الارض العطشانة والناس تفرح وتهلل المحصول والاكل والحياة والكرامة والعدالة والحرية اللى وقفت بين ايد فؤادة فى فتح الهويس ,,,,عرف الجبار عتريس واعوانه جريو على الهويس مين اللى فتحه فؤادة ....مع انها حبه القديم الا انه رفع البندقية وصوب ناحيتها ,,,يا ترى فؤادة جريت خافت تخازلت ولا تقاعست لالالالا بنظرة التحدى من عينها وقفت عتريس عند حده .....السؤال هل عتريس سكت بعد كده ؟؟؟؟ الاجابة فى الجزء التانى من التدوينة قريبا !!!!!
مرادفات الجزء الاول من التدوينة:
*شعب الدهاشنة ( المصريين )
* عتريس واعوانه (النظام السابق -مبارك جمال -الخ القايمة السودا)
*الارض (مصر)
*فؤادة اللى فى عينها جنة ونار وعيند وشدة وهوادة (شباب مصر)
*موقعة فتح الهويس (ثورة يناير )
*محلك سر (السلبية والخوف والتهاون)
ويجعله عامر والحدق لازم يفهم
ليست هناك تعليقات:
إرسال تعليق