والله زمااااااااااااااان..... فى اول يوم الثورة اللى هو عيد الشرطة سابقا....كنت راجع من الاسكندرية وتعرضنى بعض البلطجية عشان موصلش الميدان فحلفت طلاء تلاتة انى لازم اعدى واروح الميدان وكانت شنطة الهدوم على ضهرى يا ولداه ,,,المهم كان فيه ظابط شرطة محترم هناك عند عبد المنعم رياض هو شاب فى غاية الاحترام اقل لفظ عنده كان سب الدين.....لعنة الله عليه وعلى اللى زايه.....ماعلينا رجعت البيت غصب عنى والله يا مصر وقلت اتابع الاخبار ,,,,احنا فى حلم ولا علم يا ولاد تمثال المواطن المصرى خرج من متحف الرعب والقهر ,,,ومبقتش مصدق نفسى وكنت خايف انه يكون حلم جميل واصحى افتح التليفزيون اشوف اللى ما يتسمى يقابل رئيس الضيف فى مصر الجديدة.....لدرجة ان كنت بصحى من النوم بالليل اشوف نفسى احسن مكنش متغطى كويس,,,لحد ما قررت انى اقطع الشك باليقين ونزلت الميدان تانى وكان نفسى اشوف الاغبياء اللى قالوا ان المدينة الفاضلة هى اسطورة ومستحيل .....ارد عليه وقول لاء يا عم الفقيق,,,انزل على الميدان ....يا سلام عليك يا عم الشيخ امام (الجدع جدع والجبان جبان بينا يا جدع ننزل الميدان) ولحد يوم التنحى كنت فاكر انه حلم لحد ما شوفنا الراجل اللى واقف وراء عمر سيلمان ....كانت الفرحة جميلة ولا فرحة دخول كيلو لحمة للبيت,,,,,الحمدلله دى حقيقة بس ما ادراك ان تتحول الحقيقة تتحول الى كابوس مزعج ,,,كابوس من اللى بنشوفوا انا ننام بعد اكلة زفرة مسبكة....تصدقوا بعد الثورة لسه فى فساد ولسه فيه اهدار للمال العام ولسه فيه شرم الشيخ ...وقريبا مارينا ...ولسه فيه حكومة بتفكرنى بالبط البلدى اللى كان فوق سطح بيتنا,,,,يفضل يكاكى ويومه بسنة وتقوله هش يجرى يخش العشة......ولسه فيه غاز بيتصدر .....ولسه فيه حزب وطنى ومحدش يقولى فلول لاء رجالة الحزب بشحمها ولحمها موجودة وحضرة معنا,,,,وازمة سولار و ازمة انابيب او اسطوانات غاز عشان فيه ناس بتزعل...ولسه ازمة روتين حكومة ولسه فيه امن دولة وتشكيك وتخوين وشو اعلامى وتوك توك واستغلال تجار وارتفاع الاسعار بعد زيادة المرتبات ....واحنا عاملين نسمع اغنية بلادى انا بحبك يا بلادى ونسنا الشهيد ونفتكر ذكريات الميدان مع اغنية محمد منير واصبحت الثورة والميدان اطلالا ومن حق الكبير يدلع,,,,الله يرحمك يا يابا انا قصدى ابا جمال عبد الناصر اللى بختلف معاه فى اكثر من ५० % من سياسته الا انه عمل زى اما التاريخ قال ما بعد الثورة تبقى محاكمات ثورية ونفى وجه عمنا السادات صصح الاوضاع فى مايو التصحيح بالمحاكمات الشبه ثورية القانونية,,,,,,اما احنا حلفنا مية يمين اننا لازم نطبق قانون المحاكم على رموز الطغيان اللى ماكنوش بينفذوا حكم المحاكم لمدة ثلاثين عقد ,,,,, ويجعله عامر يا مصريين والحدق يفهم
واليكم اغنية للمصريين بعد الثورة
ليست هناك تعليقات:
إرسال تعليق