تعالت الاصوات بكارثة اسيوط زكالعادة ايه اللى حصل.....وزير النقل قدم استقالته والرئيس يقدم التعازى لاهالى الضحايا .....والحكومة تتابع بكل الاسى وبتحلف طلاق تلاتة انها هتصرف التعويضات والنائب العام فتح تحقيق فى الموضوع ومعاينة النيابة ...والمسؤل هو السواق والسواق عند المحطة والمحطة عند هيئة السكك الحديدية وهيئة السكك الحديدية عند الوزير والوزير بيضرب لخمة ....الغريب وسبحان الله ان فى العالم كله بيحصل فيه كوارث طبيعية اما فى مصر هى كوارث بكل المقاييس من صنع البشر....القصد وحتى لا اقارن بين ناس عندها الكلب اهم من الانسان وناس عندها الانسان ابن كلب...يا سادة وبدون فهلوة وحلق حوش ولا سحر ولا شعوذة المسؤل الاول فى كارثة اسيوط...هو نحن ....جميعنا المسؤلون....على ما اتذكر ويارب وخير اللهم أجعله خير ....ان مطالب ثورتنا هى عيش حرية عدالة اجتماعية ...عيش...حياة كريمة وتعليم كويس وصحة افضل والقضاء على الفساد والاهمال ليصل لكل زى حق حقه......الحرية ...حرية التعبير عن الرأى والتخلص من العذيب والقهر والظلم ....العدالة الاجتماعية سد الفجوة والقضاء على الفقر وقيس على ذلك اشيـــــــــــاء كثيرة اردنا بها مصر عن طريق الثورة....طيب من منكم يا سادة الان مهتم بتحقيق هذه الاهداف من منكم يا سادة لديه المد الثورى او الحالة الثورية...شباب الثورة فى وادى والشارع فى وادى....النخبة المنحطة اللى كانت بتنزل الميدان تاخد ارأنا وافكارنا وتطلع بالشعر الكنيش او الدقن فى وسائل الاعلام تتكلم د غير منافقى النضال التاريخى او اللى بيقولوا احنا تاريخ يا جماعة...بيفكرونى بمجدى عبد الغنى وفرحته بهدف مصر الوحيد فى كاس العالم ....وسيبنا الشارع وكل واحد صنع صنمه وفضل يعبده.....وده غير اللى طالعين فى المقدر جديد ما شاء الله اللحية وعلامة الصلاة والجعجعة واما يتمسك على الطريق السريع او يعمل عملية تجميل فى مناخيره واللى كداب كدب الابل...واذا اتكلمت معاه يقول يا كافر يا ملحد يا عدو الله...الباقى يقول مااااااااااااااااااااااااااااااااااااااء ونهيق وغيره...وبقينا فرق واصحاب مصالح شخصية وشو والدستور والمادة الثانية والاسلاميين والدستوريين ....وانا انا ابريق الشاى .....ونسينا اننا نحقق هدف العيش...يعنى الحياة الكريمة للمواطن والقضاء على الاهمال والفساد اللى كان ممكن نتلاشى كارثة مثل كارثة اليوم...او لو كنا سعينا اننا نجيب جق انس كان اللى بالى بالك هيعملوا لللانسان المصرى ....الى ماتوا النهاردة كان هيطلع فيهم من هم افضل من وائل غنيم واسماء محفوظ واحمد ماهر والبرادعى وحمدين وابوالفتوح وخالد على وحازم صلاح ابوسماعيل وعمرو حمزاوى وبديع ومرسى وانا وانت والفرح كله......ايها السادة الكل ينظر الى كف يديه سيجد دماء هؤلاء الاطفال على يده وسيعرف انه ابتعد عن الهدف لاجل هدف اقبح وادنى ...تضرعوا الى الله ان يسامحكم بما تسببتم فيه من قتل اطفال ابريا...ومش السواق ولا القطر ولا الوزير اهملنا ثورتنا بسبب اصنام وعنجهية ....فضاع الهدف وعشان كده ماتوا بس تقول لمين ؟؟؟؟ويجعلوا عامر ويارب الحدق يفهم
ليست هناك تعليقات:
إرسال تعليق