قضاء.....وقدر

فاكرين احمد فرحات اما كان بيسأل فى فيلم اشاعة حب (ايه هو القضاء والقدر ) بس الايام دى احنا عندنا قضاء......ومش اى قضاء.....فى قضاء شوكى .....وفى قضاء برشومى ....وفى قضاء زى القرع يمد لبرة ......خطة الثورة المباركة كانت خطة المعلم حسن شحاته فى أغلب المباريات كانت خطة شيدوا حلكم يا رجالة.....والحمدلله الرجالة قدروا يقسموا ظهر عنكبوت عشش ३० سنة ان لم يكن ستين عاما من الحكم ا......المهم استعنا على الشقا بالله وقولنا برده يلا يا رجالة شيدوا حلكم عشان نحاكم الناس ولاد التييييييييييييت دول ترجع الفلوس المنهوبة ونارنا تبرد وحق الشهيد يجى ...كلام جميييييييييييل كلام معقووووووووووول مقدرش اقوووووووووووول حاجة عنه.....كسبنا صلاة النبى عليه الصلاة والسلام ......الحج النائب العام والمحترم ايضا: لازم ادى لكل واحد حقه مع انه تغاضى ونيم قضية وكالة الاهرام للاعلان بتاعة حسن حمدى لصداقته الشخصية الحميمة به ده غير ان الحج النائب العام اهلاوى (وانا كمان اهلاوى ) القصد اول خمسة عشرة يوما لرموز الفساد ...فرحتنا وتانى خمسة عشرة يوما قوتنا .....وتالت خمسة عشرة يوما ها وبعدين .....ورابع تجديد......وخامس تجديد .....وحلفنا طلاق تلاتة ننزل الميدان حتى ينعدل الميزان ....ميزان العدالة المختل فى مصر ....انا لا عشت ولا كنت عشان اشكك فى نزاهة القضاء المصرى العادل والشامخ ولكنى اشكك فى اللى ضاغط على القضاء المصرى والقانون السفيه اللى هيورط القضاء المصرى والشكل المهين لتعامل الجهات المعنية مع القضاء المصرى والقلة المندسة الفاسدة فى القضاء المصرى .....لغز عندى محيرنى فى ان وزير العدل فى البداية قال ان محاكمات رموز النظام لن تتأثر ولن تؤثر على الاجازة القضائية .....والظاهر ان سيادته كان بيتكلم على رموز النظام فى تيمور الشرقية او الاجازة القضائية بتاع دولة تشاد الصديقة لنا .....وعلى ما تذكر (اصلى كنت محامى فشنك) اول مرة اسمع ان متهم فى جناية يتحكم عليه بالبراءة غيابيا !!!!!!!!!!!!!!!!!!!!!! عم بطرس غالى الحرامى الهارب محضرش جلسات جناية اهدار المال العام واخد فيها براءة!!!!!!! اشى خيال يا ناس ده غير احكام البراءات الاخرى ....ويا غزال يا غزال العشج حلال.....نعمل ايه ياولاد ,,,,,,المستشار عبد السلام جمعة وعلامات اسنفهامه لا يسمح بدخول المدعيين بالحق المدنى الى قاعة المحاكمة ولا يمكن رؤية المتهمين فى قفص الاتهام (بيحكموا اللهو الخفى ) ونصبح الصباح فتاح يا عليم والقاضى يحكم باخلاء سبيل المتهمين بقتل المتظاهرين بكفالة قدرها.......................وانا مالى كفالة ,,,البعيد فهمه تقيل ولا سمعه تقيل ولا الحمل اللى علىكتافه تقيل اصلها تفرق كتيييييييييير نزلنا الميدان وبنقول يا جدعان تطهير القضاء من شغل الفضاء الخارجى اللى هما فيه ده وبعدين لو سمحتم اللى حاسس بضغط من الغولة اللى عينيها حمرااااا (ومحدش يفهمنى غلط ).....يعتذر عن قضية لرموز النظام السابق .......الاخ الفاضل عبدالمجيد محمود اخصك بقليل من الذكرو الكثير من الاحترام فلا تجعلنا نفقد احترمنا ولك عندها هتلاقى ناس عاملين على الفيس بوك صفحة احنا اسفين يا مخلوع......... الى قضاة مصر الطلقاء الشرفاء احموا ميزان العدالة فى مصر حاكموا قتلة اخوانكم وقتلة مصر.....عاوزين القضاء واحكام القضاء وممارسات القضاء تكون حق وعدل ومش قضاء.........وقدر
ويجعله عامر ويارب القاضى الشريف يفهم