انت غبى ؟؟؟

و لما وقعت احداث الفتنة بتاع اختنا عبير والبلد ولعت فى امبابة وابو يحيى اللى راح فى الرجلين عشان عمل فيها السبع رجالة وقال منبقاش رجالة لو محرقناش كنايس امبابة عشان اختنا عبير...وطلعت فى الاخر اختنا عبير اوحش من فرجينيا اما اتحرقت فى اخر فيلم الناصر صلاح الدين....القصد قلنا فتنة ...طلع مجلس العسس بالاشتراك مع الراقصة المشهورة " الاعلام المصرى " قالكلا مش فتنة احنا شعب واحد دى ايادى خفية واصابع خارجية وفى لجنة تقصى حقائق ونيابة وحضرة الفاشخ العام هيحقق ...وهما يومين وبخ ...رااااااااااااحت ..طبعا ما بين كده وكده كانت عمليات البلطجة والانفلات الامنى والعك السياسى وصفقات الراجل ابودقن شغالة على ودنه ومرورا بفض الاعتصامات بالقوة وعركة فى خمارة داخل اروقة برامج الراقصة اللولبية " الاعلام المصرى " ولهجة حرام عليكوا خربتوا البلد " اما بالنسبة لاحـــــــداث ماسبيرو اللى كانت فى اولها بردوا المفروض ان تكون فتنة طائفية ماركة المرحلة الانتقالية ومجلس العسس تحولت الى مظاهرات من مواطن مصرى بيطالب فى حقه للعبادة زيه زى اخوه المصرى المسلم ...اما ماسبيرو مسيرة من شبرا للاخوة الاقباط مسيرة فى غاية الادب والسلمية والاحترام والتحضر لشعب المسيح بن مريم الا ان قامت مدرعات الجيش بدهس وقتل المصريين الشرفاء والرصاص الحى ...واسألوا مينا دانيال ورفاقه ....طيب مين المسؤل يا عم الحج ؟؟؟؟ يطلع المجلس العسكرى يقول عليا الطلاق منا ....نقولوا بتوع طرة....يقولك معرفش...نقوله الموساد ...يقولك مظنش ...نقوله ارهابيين ...يقولك عيب عليك... " طيب مين ؟؟؟؟ الاجابة ايدى خفية واصابع خارجية ودماء الشهداء الابرياء للن تذهب هدرا لاننا قمنا بتشكيل لجنة تقصى حقائق وانتقل الفاشخ العام وقام بالتحقيق فى الموضوع فوجد المدرعة المسروقة من المجندين ركنة على الكورنيش من غير النمر ولا الاستبن بتاعها.....راحت الايام وجت ولسه التخبط من مجلس العواجيز شغال وحتى نبرة بتوع خربتوا البلد عليت لدرجة انها وصلت من كوبرى اكتوبر الى العباسية وربنا يشفى .... بنكهة وطعم الجرجير .....واصبحنا بلطجية ويكشف على اطهر بناتنا كشف عذرية ولا حياة الدرديرى لمن تنادى ....ولاتزال راقصة مصر الاولى " الاعلام المصرى " يرقص على مخادع اعضاء مجلس كوكب المريخ العسكرى يشوه صورة الطاهرة والثورة بخونة وماجورين وهما عاوزين ايه ومنكم لله ...ودركسيون الانتاج ...لدرجة ان سائقى الميكروباص زعلان على البورصة بسبب الثورة وهو ميعرفش هى ايه البورصة دى المهم انها بتضرر بسبب الثورة واللى خربوا البلد ....يوم 20 نوفمبر قرار من لواء شرطة اخرق بالتعدى بالضرب على اهالى الشهداء والمصابين المعتصمين فى الميدان وبالاخص فى الصينية ليفتح النار على الداخلية من الشعب وجميع القوى السياسية عدا اللى خان وباع وربوا ذقنه للمجلس ....وقام المتظاهرون السلميون بمتابعة الامن المركزى الى شارع محمد محمود ليتحول الشارع الى حلبة مصارعة بين البيج شو او اندر تيكر وشخص غلابان جدا .....كام عين راحت فدا مصر وكام روح ارتفعت الى رفيقها الاعلى وفى الاخر هما عاوزين يحرقوا وزارة الداخلية ليه مين السبب الانتخابات هتضيع يا جدعان ومعها محمد بديع !!!!! طيب ايه علاقة شارع محمد محمود بوازرة الداخلية وايه علاقة الانتخابات بالاحداث يا بديع؟؟؟؟ وايه نوع الغاز اللى كان بيجيب شلل فى الاعصاب ؟؟؟؟ستجدون هذه الاسئلة ان شاء الله عند لجنة تقصى الحقائق وانتقال الفاشخ العام الى موقع الاحداث " جت تجيلوا خرطوشة فى عينوا " والنيابة تحقق والايدى الخفية واقالة اسمه ايه ده................اه كانوا بيقولوا عليه رئيس وزراء اسمه الدكتور مش عارف فى ايه عصام شرف ....القصد قلنا خلاص يمسك جدنا الجنزورى الوزارة اللى بدأ يكمل فيها مشروعات كانت متوقفة منذ 17 سنة ....ترعة فى سينا ....يزرع نخلة فى قنا ......طيب الدنيا والدين يا عم الجدو انتا ...يقولك معايا صلاحيات....تخيلوا صلاحيات لناس منتهية الصلاحية !!!!!! ...نرجع لموضوعنا احنا كنا وصلنا ان فى ناس معترضة على حكومة الجد الجنزورى فقاموا بالاعتصام امام مجلس الوزراء ....فى الاول كلوا حواوشى من طفاستهم وجالهم تسمم ...وبعدها بكام يوم بحجة كورة قام الجيش وافراده بالتبول والشتيمة وقلة الادب والضرب والسحل للشيخ والدكتور والمهندس وفى الاخر وعلى رأى الخال الابنودى وفى ميدان الدنيا اتعريت وش وضهر وبطن وصدر ....القصد حدثت مجازر اطلق عليها احداث مجلس الوزراء وواحترق المجمع العلمى الذى اتفق 90 مليون مصرى على انهم اول مرة يعرفوا ان فى مصر مجمع للكتب التاريخية !!!!! وربنا يبارك فى الشيخ خيرى رمضان اللى توقع حرق المجمع العلمى قبلها ب 24 ساعة ...وطلع علينا بكل الاسى والحزن اللواء الاكذب عادل عمارة ينعى حرق المجمع العلمى وطظ فى الدكتور والمهندس والشيخ دول بلطجية واللى اتعريت كانت لبسه عباية كباسين ....طيب ايه عرفها انكوا نجسين...والحمدلله اتكونت لجنة تقصى حقائق والفاشخ العام فتح ...........دفتر التحقيقات وبعدين....يسقط حكم العسكر الكاذبون ودخلة جماهير الالتراس بتقول يسقط حكم العسكر لحد ما اتغدر بيهم فى استاد بورسعيد وقتل 74 شاب ذنبهم انهم بيقولوا يوم ما ابطل اشجع هاكون مت اكيد وذنبهم الوحيد انهم هتفوا ضد العسكر فى دخلة ماتش كورة ...مصر لبست عليهم اسود والعسكر قتل القتيل وبيمشى فى جنازته...والافواه الهبلة العبيطة ام بدوى بتقولك ده مخطط وتمويل ومنه لله اللى حول مدينة حاربت 3 دول بتحارب عشان 3 نقط والحمدلله يا شعب المرة دى فى مجلس شعب منتخب الله اكبر ....الشدة يا نواب الشعب الحق هيجى اهو .....تمخض البرلمان فولد لجنة تقصى الحقائق!!!!!!!!!!!!!!!!!!!!!1 يا ليلة غبرة يا ولاد...ايوة انا بهتف ضد العسكر يسقط يسقط ضد العسكر ....وعرفت من كتب التاريخ على سور الازبكية ان لجنة تقصى الحقائق عن حريق القاهرة عام 1952 لم تصدر نتائجها حتى الان!!!!!!!!!!!!!!! الله يرحم اللى ماتوا بقى .....وفى الاخر يجى واحد يقولى يا عم انتوا عاوزين تحرقوا وزارة الداخلية ليه وعاوزين ايه مش فى لجنة تقصى حقائق .....بعد كل ده .....انت غبى؟؟؟؟؟؟ويجعله عامر ويا رب الحدق يفهم