البيضة الاول ولا الفرخة

فاكرين زمان واحنا لسه اطفال صغيرين يجى عمو الرخم صاحب بابا بابتسامة صفرا يسألك سؤال وقال ايه بيختبر ذكائك " تقدر تقولى يا حبيبى البيضة الاول ولا الفرخة " وللاسف كنا بنضيع تفكيرنا كاطفال فى سؤال رخم من شخص ارخم " البيضة الاول لان الكتكوت بيطلع منها ويبقى فرخة " واحينا " الفرخة الاول لانها هى اللى بتبيض البيضة ....كبرنا شوية وعمو الرخم هو هو يسأل نفس السؤال والغريب انك لو سألت حد عشان يساعدك يضحك ويسبك وكأنه بيقول ايه الواد الاهبل ده وسؤاله.......لحد ما نوصل درجة التعليم اللى نقدر من خلالها نفهم وبالصدفة فى التربية الدينية اللى درجاتها متبقاش محسوبة فى المجموع فى اخر العام نعرف ان سيدنا نوح عليه السلام اما بنا السفينة الكبيرة ربنا سبحانه وتعالى امره ان يأخذ من كل زوج اثنين معه فى السفينة عشان الطوفان ....بالفقاقة كده الفرخة هى الاول مش البيضة......واحد هيتخنئ من التدوينة دى سألنى تقصد ايه؟؟؟؟ انا قصدى الحالة اللى احنا فيها فى مصر دلوقتى ناس تقولك الدستور اولا وناس تقولك الانتخابات اولا .....الحكاين ومن الاخر ان مصر هى سفينة نوح عليه السلام والطوفان جاى جاى بس البشوات بتوع الدستور اولا اللى نسيوا ان فى استفتاء خصل وافضى الى ما افضى اليه ارادة اولى ديمقراطية يجب احترامها مهما كان الوضع,,,,وبالنسبة للبهوات بتاع الانتخابات اولا احنا عارفين مصلحتكم ايه ان الانتخابات تكون الاول ....وسايئ عليك النبى ما تقولى تخوين او تشكيك او تكفير وهجرة والكلام الكبير ده.......تيجو نعمل فكرة ومن كل زوج اثنين!!!!!!!!!!!!!!!! يعنى ايه؟؟؟؟ سؤال وجيه من واحد معرفوش...تيجو نكون جمعية تأسيسية منتخبة لوضع الدستور اولا وفى نفس الوقت اجراء الانتخابات التشريعية فى موعدها على انيكون الشعب ومجلس الشعب لهم دور فى الموافقة على الدستور الجديد وبكده نكون ضربنا غرابين بطوبة او بالبلدى مسكنة العصاية من النص ومحدش يسألنى على تفاصيل..... وقبل الطوفان مايجى ومنكونش لحقنا ركبنا السفينة سفينة النجاة ,,,,,الفتنة السياسية اخطر بكثير من الفتنة الطائفية لمصر ...اعرفوا كده وبعدين احنا خلاص سيبنا كل حاجة فى البلد ومسكنا فى الفرخة الاول ولا البيضة ,,,,الى كل فرخة والى كل بيضة بينادى الدستور اولا او انتخابات اولا يبصوا للبلد اولا......او نسبنا من ده ونشوف الاهلى اولا او الزمالك اولا ومين اللى هايخد الدورى بعد الثورة ....وعلى رأى العزيز الشاب المدون محمد ابو الغيط الفقراء اولا - هو قال يا ولاد الكلب - اما انا بقول مصر اولا والشهداء والفقراء يا ولاد ६० كلب

ويجعله عامر يا مصر...........ها مين الشاطر اللى يقولى الفرخة الاول ولا البيض الاول