ابن العم ايلان شتايم معرفش ايه الاسرائيلى الموسادى والامركانى الجنسية اكيد كلنا او اغلبنا تابعنا كيف تم كشفه والقبض عليه وقصته ايه وحكايته وروايته الا ان الامور تتعقد عندما نخدل فى ازقة الحدوتة هل هى فعلا يمكن ان تكون حدوتة الف ليلة وليلة .....ماظمش عشان لو شهريار سمع حدوته زى دى هينادى مسرور يقتل شهرزاد ويقتل نفسه ويخلى مسرور يتنحر,,,,ولا نخليها قصة ام رجل مسلوخة اللى بتتحكى لينا قبل النوم من امهاتنا بس لو كانت الامهات بتحكى حواديت زى دى كان زمانهم مطليقات بالتلاتة ....على العموم دعونا نتطرق للمزيد ,,,,ابن الاونكل شتايم دخل مصر على اساس انه مراسل او صحفى قبل الثورة ظهر فى الميدان وخدله صورة ....الله يرحمك يا حليم لو كمن عارف ان واحد زى ده دخل الميدان مكنتش غنيت صورة كلنا كده عاوزين صورة واللى هيخرج من الميدان عمره ما هيبان فى الصورة....الخ,,,ده غير انه دخل الجوامع يخطب بالناس .....فكرنى بعم الحاج نابليون اما دخل الجوامع واكل اكلنا وشرب شربنا....وايه اللى بيحصل ده محرض على الشغب بين الجماهير ومحرض للوقيعة بين الشعب والجيش والشعب والشرطة وفتنة بين المسلمين والمسحيين واحداث امبابة وسرقة غسيل ام حسن...... ام حسن مين؟؟؟؟؟ فيلم ولا انتاج العدل جروب ومنى زكى وكريم عبد العزيز واحمد السقا ولا شريف عرفه يخطر على باله ان يخرج سيناريو زى كده......فى حاجة لازم اوضحها يا جماعة انا لا اشكك ابدا فى قوة المخابرات المصرية او المخابرات الحربية او تحقيقات النيابة العامة لكنى احتاج هذا الدواء !!!!!!!!! المصداقية والشفافية التى اصبحت زى كيلو اللحمة ......مرة كل خمس شهور بناكلها ومليانة شخت ودهن وحتة من بيت اللوح......دا غير انها نقصا جرامات......العيب مش علينا العيب على شلوموا مدربوش كويس ما لو كان فيه واحد فى اسرائيل زى محسن ممتاز كان قالوا اسرائيل امانة فى رقابتك يا شتايم ومش انا اللى دافع مرتبك دى عمتك تل ابيب.....ولا يا سلام على الريس زكريا انت خايف يا ايلان.....ترااا ترااااا تترالم,,,,,, المهم ان اسرائيل بتحلف طلاق تلاتة من حكومة النتن ياهو مسنجر انهم ميعرفوش حاجة عنهم ..... باعو الواد وش والامركان راحوا زاروا بعيش قمح امريكى اصلى وحلاة طحينة رشيد الميزان الامريكانى المعوج,,,,,,انا بناشد الجميع سواء المجلس العسكرى اللى ربنا يستر عرضه او المخابرات الجامدة اوى او حتى النائب العام انه يفرط فى الواد ده زى عزام عزام .....عارفين ايه اللى هيحصل لو خرج....؟؟؟؟ هيروح هوليود هيحكى قصة كفاحه فى مصر والامجاد الجاسوسية وكام وجبة كنتاكى اتوزعوا فى الميدانويتعمل فيلم ولا هارى بوتر او اكس مين والايرادات الامريكية تزيد فالاقتصاد الامريكى ينتعش واكيد كومشن حقوق الطبع والنشر هتدخه تل ابيب واحنا نفرح ...اه دى قصة الواد شتايم اللى اتقبض عليه فى مصر يا ولاد او نقول عليه نكته فى برنامج ربع مشكل على موجة كوميدى!!!!! لا اوعوا يا مصريين تفرطوا فى جاسوس فل اوبشن:
الشغب
الوقيعة
الفتنة
الجيش والشعب
والشعب والجيش
وتجنيد الشباب
ودخول الجوامع (وشكله بقى سلفى)
وغير ده عنده اكونت على الفيس بوك وتوتير
واخير ده مجموعة شتيمة والفاظ فى بعض ...اسمه شاااااااااااااااااااااتيم
ويجعله عامر
ليست هناك تعليقات:
إرسال تعليق